Vatnsgæði – margar leiðir til að fylgjast með vatninu
Vatn breytist stöðugt. Súrefni, næringarefni, þörungar og agnir sveiflast yfir sólarhringinn og árstíðirnar, og litlar breytingar geta verið fyrsta merki um að eitthvað sé í vændum. Eitt sýni gefur augnabliksmynd – samfelldar mælingar gefa alla myndina. YSI, Hach, Aanderaa og TriOS sinna hver sínum hluta þessa, frá mælingum á vettvangi og rannsóknarstofu til fastra mælistöðva í vinnslu og á sjó.
YSI – frá vettvangi til stöðugrar vöktunar
YSI býður handtæki fyrir mælingar á vettvangi, eins og Pro-línuna fyrir súrefni, leiðni, pH, grugg og næringarefni. Fyrir lengri útsetningu eru EXO-mælikannarnir, sem mæla marga þætti í einu og geta staðið úti mánuðum saman – frá grönnum könnum fyrir grunnvatnsholur til útgáfa fyrir baujur og dróna. IQ SensorNet tengir marga skynjara í eitt net og rannsóknarstofutækin sjá um greiningar innanhúss.
Hach – vatn í vinnslu og á rannsóknarstofu
Hach tengist náið drykkjarvatni, fráveitu og iðnaði. Greiningartæki og skynjarar vakta meðal annars ammóníum, klór, fosfat, lífrænt kolefni og grugg samfellt. Stýringar eins og SC4500 safna mælingunum, gera viðvart um viðhaldsþörf áður en eitthvað bilar og senda gögn áfram í PLC og SCADA. Einnig eru litrófsmælar og færanleg mælitæki fyrir rannsóknarstofu og vettvang, og Claros, vettvangur Hach til að fylgjast með tækjum og gögnum úr fjarlægð.
Aanderaa – mælingar í hafinu
Aanderaa sérhæfir sig í mælingum á sjó. Skynjararnir mæla meðal annars súrefni, leiðni, hitastig, grugg og strauma. Súrefnisskynjarinn Optode 4531 er þekktur fyrir mjög lítið rek og mælifilmu sem getur enst í meira en tíu ár. SeaGuard-gagnaskráar geta sameinað marga skynjara í eina mælistöð, oft sem keðju niður vatnssúluna, en SmartGuard er notað á land- og baujustöðvum, meðal annars með veðurskynjurum.
TriOS – ljósfræði án efna
TriOS framleiðir ljósfræðilega skynjara sem mæla án hvarfefna. OPUS notar UV-ljós til að mæla nítrat, nítrít og lífrænt álag, og NICO er einfaldari nítratskynjari. Auk þess eru ljósmælar fyrir lit og ljósgegnflæði, flúrljómunarmælar meðal annars fyrir olíusambönd í drykkjarvatni og fráveitu, og geislamælar fyrir hafrannsóknir.
Frá mælingu til aðgerða
Enginn birgir er bestur í öllu. Rétt val fer eftir því hvað á að mæla, hvar og hversu lengi. Hjá Elio veljum við búnaðinn eftir þörfum og tengjum hann við PLC og SCADA. Þá er hægt að sýna gildin með restinni af kerfinu, fá viðvaranir þegar eitthvað víkur frá og geyma söguleg gögn.
Fyrir ReWaste afhentum við og samþættum til dæmis vatnsgæðamælingar frá Hach, ásamt þrýstiskynjurum frá ifm og flæðimælum frá Siemens, tengt stýringunni og Ignition SCADA.
Viltu vita hvernig hægt er að mæla og nýta vatnsgæði í þínu kerfi? Lesa meira um skynjara og mælitæki eða hafðu samband.